برامج بناء الشخصية في مغامرات معمولة مخصوص عشان تساعد الأطفال والناشئين يكبروا من جوه قبل ما يكبروا في السن الهدف مش بس يلعبوا وينبسطوا لكن يرجعوا بيتهم وهم أوعى بنفسهم وعندهم ثقة أكبر وشجاعة ومسؤولية أكتر في حياتهم اليومية
في برامج بناء الشخصية بنركّز على شوية محاور أساسية زي الثقة بالنفس الشجاعة المحسوبة احترام الذات والآخرين الانتماء العمل الجماعي وتحمل المسؤولية وده كله من خلال أنشطة عملية وألعاب وحكايات وتمثيل مواقف مش من خلال محاضرات أو نصائح مباشرة
كل نشاط أو لعبة بنختارها بيكون وراها هدف واضح في بناء الشخصية مثلا نشاط يساعد الطفل يجرب حاجة جديدة لأول مرة عشان يتخطى الخوف نشاط يخليه يقود جروب صغير عشان يتدرب على القيادة والتأثير نشاط يحطه في موقف لازم فيه يسمع لرأي غيره ويحترمه حتى لو مختلف
برامج بناء الشخصية في مغامرات مناسبة لأعمار مختلفة من الأطفال الصغيرين لحد المراهقين مع تقسيم الأنشطة والمحتوى حسب المرحلة العمرية بحيث اللي بيتقدملهم يكون قريب من عالمهم وطريقة تفكيرهم والمواقف اللي بيتعرضوا لها في المدرسة والبيت ومع أصحابهم
إحنا شايفين إن بناء الشخصية مش حاجة بتحصل في يوم واحد عشان كده بنحاول نربط بين الرحلات الكامبات وبرامج مهارات الحياة تحت نفس الفكرة الطفل أو الشاب لما يشارك في أكتر من تجربة مع مغامرات يبدأ يشوف نفسه بيكبر وبيتطور من موقف للتاني
الأهالي عادة بيلاحظوا بعد برامج بناء الشخصية إن أولادهم بقوا أهدى في التعامل مع المشاكل أكتر جرأة في التجربة وأكتر قدرة على التعبير عن نفسهم من غير عصبية أو خجل زائد وده بالظبط النوع من التغيير اللي مغامرات بتستهدفه في كل برنامج ببنقدمه في مجال Character Building
